Գնված ապրանքներ

Բաժինն աշխատում է թեստային ռեժիմով:

Аналитика → Выкупы («Վերլուծություն→ Գնումներ) բաժնում կարելի է տեսնել՝

• գնված ապրանքների մակարդակը․ կտեսնեք` արդյո՞ք չեղարկման կամ վերադարձների պատճառով վաճառքների չափը նվազել է,
• չեղարկման և վերադարձի ընդհանուր պատճառները․ կհասկանաք, թե առաջին հերթին ինչի՞ շուրջ պետք է աշխատել, օրինակ՝ առաքման արագության կամ փաթեթավորման որակի,
• յուրաքանչյուր ապրանքի չեղարկման և վերադարձի պատճառները և ցուցանիշների դինամիկան:

Ցուցանիշների հաշվարկ #

Մենք չափում ենք յուրաքանչյուր ապրանքի վերջին 50 պատվերի գնման տոկոսադրույքը: Եթե պատվերները 50-ից քիչ են, հաշվարկի մեջ ենք ներառում բոլոր պատվերները: Օրինակ՝ եթե ապրանքը պատվիրել են 10 անգամ, ցուցանիշը հաշվարկելիս հաշվի է առնվում 10 պատվեր։

Ապրանքների գնման մակարդակը հաշվարկվում է ըստ բանաձևի՝

(Պատվերների քանակ – Վերադարձների քանակ – Չեղարկումների քանակ) ÷ Պատվերների քանակ

Օրինակ՝ եթե ապրանքը պատվիրել են 50 անգամ, չեղարկել են 3 անգամ և վերադարձրել են 2 անգամ, ապա դրա գնման մակարդակը հավասար է՝ (50 – 3 – 2) ÷ 50 = 90%:

Գնման ստացված մակարդակը համեմատում ենք կատեգորիաների միջին ցուցանիշների և գնային սեգմենտի հետ: Դրանից կախված, գնման մակարդակը կարող է լինել ցածր, միջին կամ բարձր: Տարբեր կատեգորիաների և գնային սեգմենտների ապրանքների համար նույն գնման տոկոսը կարող է դասակարգվել տարբեր մակարդակների:

Օրինակ՝ 1000 ռուբլուց թանկ «Հագուստ» կատեգորիայի ապրանքների համար 90% գնումը բարձր կլինի, իսկ 1000 ռուբլուց էժան «Կենդանիների համար ապրանքներ» կատեգորիայից ապրանքների նույն տոկոսաչափով գնումը կհամարվի միջին: Ձեր ապրանքների ճշգրիտ շեմերը նշված են աղյուսակում:

Գնումների ամփոփ տվյալներ #

Գնումների ամփոփ տվյալները կարելի է տեսնել՝

• Аналитика → Выкупы («Վերլուծություն → Գնումներ») բաժնում, որտեղ ցույց ենք տալիս յուրաքանչյուր 50 պատվերից որքա ն ապրանքն է գնման ցածր, միջին և բարձր մակարդակներում,

  

• գլխավոր էջի վիդջեթում, որտեղ ցույց կտանք չեղարկման ընդհանուր պատճառը և նշումը՝

  • դեղին գույնով, եթե ունեք ապրանքներ, որոնք հաճախակի չեն գնում,
  • կարմիր գույնով, եթե ունեք ապրանքներ, որոնք շատ հաճախ չեն գնում:
  

Վերլուծություն յուրաքանչյուր ապրանքի համար #

Аналитика → Выкупы («Վերլուծություն → Գնումներ») բաժնի ներքևի հատվածի աղյուսակում հնարավոր է՝

• տեսնել Ձեր ապրանքների ցանկը, դրանց և դրանցից յուրաքանչյուրի վերաբերյալ ընդհանուր վիճակագրությունը,
• տեսնել որևէ կատեգորիայի գնման մակարդակը,
• ներբեռնել ապրանքների գնման հաշվետվությունը:

Աղյուսակում ներկայացված ապրանքները դասավորված են ըստ գնման մակարդակի՝ ամենացածր գնման մակարդակով ապրանքները գտնվում են աղյուսակի վերևում: Լռելյայնորեն ցուցադրվում են բոլոր ապրանքների վիճակագրությունները:

Ապրանքի տողում նշվում է վերջին 50 պատվերների համար դրա գնման տոկոսը․ կարմիր գույնով՝ գնման ցածր մակարդակ, դեղին գույնով՝ միջին, կանաչ գույնով՝ բարձր: Ցանկում ապրանք գտնելու համար օգտագործե ՛ք որոնումը ըստ արտիկուլի կամ զտիչների:

Ապրանքի տողում նշվում են հետևյալ մակարդակների շեմերը, որոնք անհատական են յուրաքանչյուր կատեգորիայի և գնային սեգմենտի համար: Օրինակ, եթե ապրանքն ունի գնման միջին մակարդակ և 60% ցուցիչ, իսկ աջ կողմում նշված է 90% շեմը, նշանակում է, որ 90%-ից սկսած այս ապրանքի գնման մակարդակը կհամարվի բարձր։

Վերջին 28 օրվա ընթացքում ապրանքի մանրամասն վերլուծությունը տեսնելու համար սեղմե ՛ք ապրանքի տողի վրա: Գրաֆիկը ցույց է տալիս ժամանակաշրջանի յուրաքանչյուր օրվա տվյալները․

• ապրանքի պատվերների ընդհանուր քանակը,
• գնումների մասնաբաժինը,
• չեղարկումների և վերադարձների մասնաբաժինը։

Գրաֆիկի ներքևում ներկայացված են վերջին 28 օրվա ընդհանուր ցուցանիշները՝

• պատվիրված,
• չեղարկված,
• վերադարձված,
• գնված,
• շրջանառության կորուստը․ որքան եկամուտ կարող էին բերել Ձեզ չեղարկված և վերադարձված պատվերները, եթե հաճախորդները դրանք գնեին,
• վերջին 50 պատվերների չեղարկման ընդհանուր պատճառը:

Ավելի մանրամասն չեղարկումների և վերադարձների պատճառների մասին

Տվյալներն ըստ կատեգորիաների դիտելու համար միացրե ՛ք По категориям («Ըստ կատեգորիայի») զտիչը՝ այս կերպ կարող եք գնահատել Ձեր ապրանքների գնման մակարդակը յուրաքանչյուր կատեգորիայի համար, որում վաճառում եք:

Չեղարկումների և վերադարձների հնարավոր պատճառները #

Причины отмен и возвратов за 50 заказов («50 պատվերի չեղարկման և վերադարձի պատճառները») ներդիրը ցույց է տալիս յուրաքանչյուր ապրանքի չեղարկման և վերադարձի պատճառները: Բացատրություններ դրանցից մի քանիսի համար.